Asbest og eternit skal latast inn í stórsekkjum ella innpakkað á platti. Tað er undir ongum umstøðum loyvt at lata asbest leyst í bingju, sum verður vippað.
Dustið frá brotnaðum asbestplátum kann elva til lungnakrabba, og tí er sera týdningar-mikið at fara varliga um og ikki bróta plátur-nar.
Dømi um asbest og eternit: Takplátur, veggjaplátur, bjálvaði rør.

Til hendan bólkin hoyrir: PVC-rør og keramikkur.

GG: Undir ongum umstøðum mugu gips og asbest latast í hendan tyrvibólkin. 

Innihaldið í ecophon-plátunum er 80% glassull.

Ecophon kann latast í sama posa/bingju sum blandað tyrviburturkast.

Gips skal latast inn fyri seg í stórsekkjum.Størri nøgdir kunnu latast inn í bingju, men gips skal undir ongum umstøðum blandast við annað tyrviburturkast, tí gips skal tyrvast fyri seg á sermerktum øki.

Gips má undir ongum umstøðum brennast, tí tað gevur sera dálkandi útlát frá sær og terir ketilin á brennistøðini.

Gips verður tyrvt fyri seg fyri at fyribyrgja, at svávulbrinta-gas (H2S) verður framleitt. Hetta gassið er eitrandi og eldfimt. Gips verður gips tyrvt í mold, har tað ongan skaða ger á umhvørvið, av tí at gips er eitt náttúrutilfeingi. 

Plastið, ið verður brúkt til slík vindeygu, er PVC. Tað skal ikki brennast, tí tað kann skapa dioxinir.

Ivast tú, um talan er um PVC, so ber til at leggja eitt petti í vatnbað. PVC-plast er tyngri enn vatn og søkkir tí í vatninum.  

Dømi um hart PVC: Takrennur, kloakrør, profilar, rennustokkar, kápulbakkar, frárenningarrør og –skipanir, vindeyga- og hurðarammur.

Dømi um bleytt PVC: Vinylgólv, útgerð innan heilsuverkið, presendingar, bannarar, bóltar, slangur, regnklæðir, gummistivlar