Øll sløg av akkumulatorum og trukkbattaríum.
Akkumulatorar innihalda blýggj og sýru. Tí er sera týdningarmikið at teir verða viðfarnir varisliga, so teir ikki fara at leka. Akkumulatorar verða móttiknir sum serliga dálkandi burturkast, og teir verða sendir til Danmark til viðgerðar, har størstiparturin av akkumulatorinum verður endurvunnin.
Dømir: battarí frá leikum, amboðum, urum, fartelefonum o.s.fr.
Best er at lata battarí í eina krukku við metalloki fyri at fyribyrgja eldi. Síðan kann hendan krukkan latast í reyða posan ella inn á endurvinningarplássið.
Størri litium battarí (Litium-jón battari størri enn 100 Wh ella litium-metal við meira enn 2 g litium) skulu latast inn atskild, tí serstøk krøv eru í sambandi við flutningin til útlandi.
Dømir: ókrútstýnari, rottueitur, músaeitur, insekteitur, mosatýnari, algutýnari, skaðadjórstýnari, flugutýnari, og lúsatýnari.
Eitur og eiturpakningur verða brend uttanlands á góðkendari brennistøð.
Um løgurin ikki er í uppruna ílatinum ella áskriftin er farin av, er neyðugt at skriva á, hvat er í ílatinum.
Eldsløkkjarar við skúm, pulvur, vatn, CO2 og halon.
Bæði tómir og fullir eldsløkkjarar verða latnir inn á sama stað.
Evjan, sum í løtuni verður nýtt til nótavask í Føroyum, inniheldur kopar, og tí kemur hetta undir serliga dálkandi burturkast.
Evja frá nótavaski verður brend í útlandinum á góðkendari brennistøð
Avlopsfýrverk má ikki latast í gráa posa ella bingju, tí tað kann elva til eldsbruna í rusktativið/bingjuna, í innsavningarbilin ella á støðini hjá IRF.
Fýrverk kann gerast óstøðugt og vandamikið, um tað liggur í hjalli ella ráligum kjallara, og óstøðugt fýrverk kann kykna av sær sjálvum.
Brúkt fýrverk kann latast í gráa posan, eftir at tað er kólnað.
Um løgurin ikki er í upprunaílatinum ella áskriftin er farin av, er neyðugt at skriva á, hvat er í ílatinum.
Kemiskur lútur verður brendur í útlandinum á góðkendari brennistøð.
Um løgurin ikki er í uppruna ílatinum ella áskriftin er farin av, er neyðugt at skriva á, hvat er í ílatinum.
Kyksilvurburturkast verður brent uttanlands hjá góðkendum móttakara.
GG: Spariperur hoyra til serliga dálkandi burturkast vegna kyksilvurið, sum er í. Tá ið spariperur brotna, kemur kyksilvur í luftina. Tað mást tú ikki anda í teg. Tá ið slíkt brotnar, skalt tú lata tað liggja fyri fyrst. Far út úr rúminum, meðan tað verður luftað út í 30 minuttir. Síðani kanst tú rudda varisliga upp í plastposa og binda fyri. Ikki dustsúgva, tí tað breiðir kyksilvurið út.
GG: Ljósrør hoyra til serliga dálkandi burturkast vegna kyksilvurið, sum er í. Tá ið spariperur og ljósrør brotna, kemur kyksilvur í luftina. Tað mást tú ikki anda í teg. Tá ið slíkt brotnar, skalt tú lata tað liggja fyri fyrst. Far út úr rúminum, meðan tað verður luftað út í 30 minuttir. Síðani kanst tú rudda varisliga upp í plastposa og binda fyri. Ikki dustsúgva, tí tað breiðir kyksilvurið út.
T.d. terpentin, spritt, acetone, reinsibensin, fortynnari, petroleum, grillløgur, frostløgur, ethanol, ether, alkohol, bensin, linolja, reinsaríburturkast, bleikjuevni, klor, plettreinsari, jod, svávul, freon, málingaburturbeinari, lím v/halogen.
GG: Um løgurin ikki er í uppruna ílatinum ella áskriftin er farin av, er neyðugt at skriva á, hvat er í ílatinum.
Loysingarevni verða brend uttanlands á góðkendari brennistøð.
Neyðbluss má ikki blandast við annað burturkast, tí tað kann elva til eldsbruna í rusktativ, bingju, innsavningarbil ella á støðini hjá IRF.
Patrónir og krút mugu ikki blandast við annað burturkast, tí tað kann elva til eldsbruna í rusktativ, bingju, innsavningarbil ella á støðini hjá IRF.
Reaktiv kemikaliu skulu handfarast við størsta varsemi, tí tey tola illa stoyt og kunnu vera spreingikvæm (eksplosiv).
Um løgurin ikki er í uppruna ílatinum ella áskriftin er farin av, er neyðugt at skriva á, hvat er í ílatinum.
Reaktiv kemikaliu verða serviðgjørd uttanlands hjá góðkendum móttakara.
Reaktiv kemikaliu fevna t.d. um brintyvirilt, hydrogenperoxid, natriumperoxid, kaliumperoxid, bor, perbor, brom, perbrom, klor, perklor, chrom, perchrom, hypochlorit fast, jod og perjod, mangan og permanganat, múnja, nitrit, nitritsalte, oxiderendi evni, perklorsýra, óorganisk peroxidir. Acetoneperoxid, benxylperoxid, cycklohexanonperoxid, dibenzylperoxid, methylethyletonperoxid, organisk peroxid.
Bólkurin av reaktivum kemikalium fevnir eisini um evnir, sum geva eitrandi sýrudamp frá sær, tá ið tey koma í samband við vatn. Dømir: alminiumklorid vatnfrítt, klorsulfonsýra, ferriklorid vatnfrítt, fosforoxyklorid, silisiumtetraklorid, svávuldiklorid, thionylklorid, titantetraklorid.
Reaktiv kemikaliu eru eisini evni, sum geva eldfim gass frá sær, tá ið tey koma í samband við vatn. Tað kann koma eldur í gassið av sær sjálvum: alkalimetal og legeringar, aluminium pulvur, amider av metallum, carbider, klorsilaner, ferrosilicium, hydrider.
Øll sløg av kemiskum starvsstovuleivdum og heilivági verða brend uttanlands á góðkendari brennistøð.
Um løgurin ikki er í upprunaliga ílatinum ella áskriftin er farin av, er neyðugt at skriva á, hvat er í ílatinum.
Sýra og lútur verða brend uttanlands á góðkendari brennistøð. T.d. meyrusýra, phenol, edikssýra, citrónsýra, smørsýra, oxalsýra, aminosýra, mjólkasýra, carboxylsýra, salt frá organiskari sýru, saltpetursýra, svávulsýra, saltsýra, fosforsýra, akkumolatorsýra, jarnsulfat, koparersulfat, zinksalt.
Um løgurin ikki er í upprunaliga ílatinum ella áskriftin er farin av, er neyðugt at skriva á, hvat er í ílatinum.
Dømi: eldsløkkjarar, gassfløskur o.s.fr.
Trýstfløskur mugu undir ongum umstøðum blandast við restburturkast at brenna, tí tað kann elva til spreingingar, og sostatt verða til stóran vanda fyri starvsfólk.
Lat proppin sita á gassfløskum, ið ikki hava trygdarkraga.
