Menu
IRF búmerki Sjálvgreiðsla
Asbest og eternit
Asbest skal latast inn í stórsekkjum ella innpakkað á platti.
Privat
Vinnan
Viðgerð

Tað er undir ongum umstøðum loyvt at lata asbest leyst í bingju at vippa.

Asbesttrevjur eru krabbameinselvandi, og tí er sera týdningarmikið at fara varliga um og ikki at bróta pláturnar. Tað er dustið frá brotnaðum plátum, ið kann elva til lungnakrabba. Dømi um asbest: Takplátur, veggjaplátur, bjálvaði rør.

 

Blandað tyrviburturkast
Blandað tyrviburturkast kann latast inn leyst í bingju ella í stórsekkjum.
Privat
Vinnan
Viðgerð

Til hendan bólkin hoyrir: Steinull, bjálving, PVC-rør, keramikkur.

GG: Undir ongum umstøðum mugu gips og asbest latast í hendan tyrvibólkin.

Bleytt plast (dálkað)
Bleytt plast, ið er sera illa dálkað, kann IKKI endurvinnast og verður tí brent.
Privat
Vinnan
Viðgerð
Ecophon
Ecophon-plátur verður tyrvdar.
Privat
Vinnan
Viðgerð

Innihaldið í ecophon-plátunum er 80% glassull.

Ecophon kann latast í sama posa/bingju sum annað tyrviburturkast, tó má tað undir ongum umstøðum latast í saman við asbest/eternit ella gips, sum verða tyrvd fyri seg.

 

Flamingo
Alt tilfar úr EPS-plasti (flamingo) verður skilt sum restburturkast at brenna.
Privat
Vinnan
Viðgerð

Ansið eftir, at flamingo ikki fýkur út í náttúruna. Smærri stykkir av flamingo fara lættliga á flog, og hesi bæði dálka og eru til stóran ampa fyri djóralívið. 

Gips
Gips er tyrviburturkast, men tað skal undir ongum umstøðum blandast við annað tyrviburturkast, tí gips...
Privat
Vinnan
Viðgerð

Gips er tyrviburturkast, men tað skal undir ongum umstøðum blandast við annað tyrviburturkast, tí gips skal tyrvast fyri seg á sermerktum øki.

Gips verður tyrvt fyri seg fyri at fyribyrgja, at svávulbrinta-gas (H2S) verður framleitt. Hetta gassið er eitrandi og eldfimt.

Gips má undir ongum umstøðum brennast, tí tað gevur sera dálkandi útlát frá sær og terir ketilin á brennistøðini.

Gips verður gips tyrvt í mold, har tað ongan skaða ger á umhvørvið, av tí at gips er eitt náttúrutilfeingi.

Gips verður tyrvt á umhvørvisgóðkendum tyrvingarplássi hjá IRF.

Glashurðar og -vindeygu úr aluminium
Glashurðar og -vindeygu úr aluminium verða latin inn sum metal/jarn til endurvinningar.
Privat
Vinnan
Viðgerð

Glashurðar og -vindeygu úr aluminium verða latin til endurvinningar.

 

 

Glashurðar og -vindeygu úr plasti
Glashurðar og -vindeygu úr plasti verða latin inn sum tyrviburturkast.
Privat
Vinnan
Viðgerð

Plastið, ið verður brúkt til slík vindeygu, er PVC. Tað skal ikki brennast, tí tað kann skapa dioxinir.

Glashurðar og -vindeygu úr timbri
Glashurðar og -vindeygu úr timbri verða latin inn sum restburturkast at brenna.
Privat
Vinnan
Viðgerð

GG: Rútar framleiddir áðrenn 1977 kunnu innihalda PCB (umhvørviseitur) í forseglingini. Hesir verða tyrvdir á atskildum plássið.

 

Glastrevja
Dømi: oljutangar, bátar og tílíkt.
Privat
Vinnan
Viðgerð
Glasull
Bjálving úr glasull.
Privat
Vinnan
Viðgerð

Glasull kann latast í sama posa/bingju sum annað tyrviburturkast, tó má tað undir ongum umstøðum latast í saman við asbest/eternit ella gips, sum verða tyrvd fyri seg.

Jarn
Allir lutir, ið innihalda jarn skulu latast inn til jarnendurvinning.
Privat
Vinnan
Viðgerð

Dømi: Rein blikk og dósir (frá eitt nú húsarhaldum), fruktblikk, skrúvur, jarnspønir, motorlutir, takplátur, hegn, súkklur, tóm málingablikk, radiatorar, komfýrar, tangar, lemmar, veirar, rør.

Motorar verða eisini latnir til jarn, men gevið gætur, at filtur skulu vera tikin úr og oljan tappað av.

Fyri at spara umhvørvisliga og fíggjarliga, er best at taka træ og plast av lutinum, áðrenn hann verður latin í jarn.

Best er at lata smátt jarn í íløt t.d. karamellublikk, so tað ikki fer á flog, tá tað verður handfarið víðari.

At framleiða nýggjar lutir úr endurvunnum jarni og metalum gevur munandi minni CO2-útlát enn at framleiða somu lutir úr nýggjum tilfeingi.

Kopar, aluminium og rustfrítt stál skal ikki blandast saman við jarni, men latast inn fyri seg.

Keramikkur
Dømi: Vesikummur, vask, postalín, sikkringar, urtapottakrukkur, búnýtið (koppar, krúss, skálir)
Privat
Vinnan
Viðgerð
Kopar
Kopar skal latast inn fyri seg og skal ikki blandast uppí jarnið.
Privat
Vinnan
Viðgerð
Linolium
T.d. Linolium gólv.
Privat
Vinnan
Viðgerð

Munurin á PVC-gólvi og linoliumsgólvi er, at ein nál ikki fæst ikki ígjøgnum linolium, men gjøgnum PVC.

PVC-plast
PVC kann framleiða dioxinir við brenning og skal tí tyrvast.
Privat
Vinnan
Viðgerð

Ivast tú, um talan er um PVC, so ber til at leggja eitt petti í vatnbað. PVC-plast er tyngri enn vatn og søkkir tí í vatninum.  

Dømi um hart PVC: Takrennur, kloakrør, profilar, rennustokkar, kápulbakkar, frárenningarrør og –skipanir, vindeyga- og hurðarammur.

Dømi um bleytt PVC: Vinylgólv, útgerð innan heilsuverkið, presendingar, bannarar, bóltar, slangur, regnklæðir, gummistivlar

Rustfrítt stál
Rustfrítt stál verður latið inn fyri seg og skal ikki blandast uppí jarnið.
Privat
Vinnan
Viðgerð

Rustfrítt stál magnetar ikki, og sostatt kanst tú brúka eina magnet, um tú yvast, hvørt okkurt burturkast er rustfrítt stál.

Sandwichmodul við PUR-skúmi (polyuretanskúm)
Modullini mugu skiljast sundur. Metallið skal til endurvinningar og skúmið verður brent.
Privat
Vinnan
Viðgerð
Sandwichmodul við steinull
Modullini mugu skiljast sundur. Metallið skal til endurvinningar og steinullin verður tyrvd.
Privat
Vinnan
Viðgerð
Steinull
Steinull verður tyrvd, og kann latast inn til IRF leyst í bingju ella í stórsekkjum.
Privat
Vinnan
Viðgerð

Bjálving úr steinull verður latið inn sum tyrviburturkast.

Tað má ikki verða blandað við gips og asbest, sum verða tyrvd fyri seg.

Timbur
Øll sløg av viði.
Privat
Vinnan
Viðgerð

Dømir: Revlar, plattar, byggiplátur, træklæðing o.s.fr.

Trevjusement
T.d. fibercement, hardieplank, cembrit (merki), eternitplátur
Privat
Vinnan
Viðgerð
Trýstviðgjørdur viður
Verður latin inn saman við øðrum viði.
Privat
Vinnan
Viðgerð

Fyrr var ikki lov at brenna trýstviðgjørdan við, men í 2013 fekk IRF loyvið frá Umhvørvisstovuni at brenna trýstviðgjørdan við, eftir at skorsteinur og roykreinsiskipan vórðu umvæld og dagførd. 

Træbetong
Dømir: Troldtekt, Ecofoam, Fibrotech, Fibrolith.
Privat
Vinnan
Viðgerð