Aluminium er eitt lætt metal, sum kann kennast aftur við, at tað ikki magnetar.
Reglugerð fyri bilvrak:
• Lat nummarplátuna inn til Akstovuna og fá frámeldingarváttan uppá bilin.
• Set teg í samband við IRF og avtala tíð og stað fyri innlating av bilvrakinum.
• Tá ið vrakið verður latið inn á bilvraksplássið hjá IRF, skal frámeldingarváttanin fylgja við, umframt at kontunummar skal upplýsast, har peningurin skal flytast á.
Øll, ið lata bil inn, fáa 4.000 kr.
GG: Letur tú bilvrak inn, har ein annar stendur sum eigari, er neyðugt við eini fulltrú frá eigaranum, sum sigur, at peningur kann flytast til annan enn eigaran. Eisini kann tú koma við váttan uppá keyp av bili, hóast fyrrverandi eigari stendur á frámeldingarváttanini.
Tak fulltrúarváttan niður her.
Øll sløg av blýggi.
Blýggj verður latið inn fyri seg og skal ikki blandast upp í jarnið.
Aluminiumsfelgur verður latnar inn fyri seg. Aluminium er eitt lætt metal, sum kann kennast aftur við, at tað ikki magnetar.
Dømi: Rein blikk og dósir (frá eitt nú húsarhaldum), fruktblikk, skrúvur, jarnspønir, motorlutir, takplátur, hegn, súkklur, tóm málingablikk, radiatorar, komfýrar, tangar, lemmar, veirar, rør.
Motorar verða eisini latnir til jarn, men gevið gætur, at filtur skulu vera tikin úr og oljan tappað av.
Fyri at spara umhvørvisliga og fíggjarliga, er best at taka træ og plast av lutinum, áðrenn hann verður latin í jarn.
Best er at lata smátt jarn í íløt t.d. karamellublikk, so tað ikki fer á flog, tá tað verður handfarið víðari.
At framleiða nýggjar lutir úr endurvunnum jarni og metalum gevur munandi minni CO2-útlát enn at framleiða somu lutir úr nýggjum tilfeingi.
Kopar, aluminium og rustfrítt stál skal ikki blandast saman við jarni, men latast inn fyri seg.
Messing verður latið inn fyri seg og skal ikki blandast uppí jarnið.
Til ber at fáa stuðul frá Umhvørvisstovuni til niðurtøku og burturbeining av gomlum oljufýrsskipanum.
Fyri at bíleggja burturbeining av oljufýri og ketli, kann borgarin ringja til IRF á tlf. 41 42 43 gerandisdagar frá kl. 8-15.
Til ber eisini hjá borgaranum sjálvur at koma til IRF við oljufýri og ketli, men avtala hesum viðvíkjandi skal gerast frammanundan við at ringja til IRF.
Rustfrítt stál magnetar ikki, og sostatt kanst tú brúka eina magnet, um tú yvast, hvørt okkurt burturkast er rustfrítt stál.
Blikk eru úr aluminium, sum kann endurvinnast ferð eftir ferð uttan at góðskan verður verri. Tað eru sera stórar orkusparingar við at endurvinna aluminium samanborið við at bróta nýggjan málm.
Dømi: eldsløkkjarar, gassfløskur o.s.fr.
Trýstfløskur mugu undir ongum umstøðum blandast við restburturkast at brenna, tí tað kann elva til spreingingar, og sostatt verða til stóran vanda fyri starvsfólk.
Lat proppin sita á gassfløskum, ið ikki hava trygdarkraga.
